Киев ауылдық кітапханасының кітапханашысы ұлы қазақ ақыны Жамбыл Жабаевтың 180 жылдығына арналған «Жамбылдың мәңгі жас дауысы» атты әдеби-өлкетану экскурсын өткізді.
Іс-шара барысында кітапханашы оқушыларға Жамбыл Жабаевтың өлеңдер жинағы ғана емес, сонымен қатар оның өмірі мен шығармашылық жолы туралы сирек кездесетін мұрағаттық материалдар қойылған кең көлемді кітап көрмесін таныстырды.
Осындай көрнекі жұмыс түрінің арқасында оқырмандар бабалардың тірі сөзімен сусындап, Жамбыл Жабаевтың тұлғалық ауқымын және оның әлемдік әдебиетке қосқан баға жетпес үлесін терең сезіне алды. Бұл шара классикалық шығармаларды оқуға деген қызығушылықты арттыруға және мәдени дәстүрлерге деген құрметті нығайтуға ықпал етті.