3 ақпан 2026 жылы Қима ауылдық кітапханасында кіші жастағы оқырмандарға арналған «Талант дәуірі: Дина Нұрпейісова» атты танымдық сағат өткізілді. Кітапханашы «дала қызы» атанған Дина Нұрпейісова туралы қолжетімді әрі қызықты түрде әңгімелеп берді. Іс-шара барысында оқырмандар 9 жасар кішкентай Динаның өз шеберлігімен ұлы Құрманғазыны таңғалдырғанын, кейін оның ұстазы болғанын білді. Оқырмандар ғасырға жуық ғұмыр кешкен ұлы күйші-композитор әйелдің тағдырымен танысып қана қоймай, қазақ музыкасының тірі мұрасына да жақындай түсті. Іс-шараға қатысушы Динаға арналған өлең оқып, оның атақты күйлерінің шығу тарихына байланысты аңыздармен таныстырды.