17 қараша күні Киров ауылдық кітапханасында «Жемқорлыққа қарсы біріккен әлем» атты сурет байқауы өтті. Іс-шараның мақсаты – өскелең ұрпақтың жемқорлыққа деген теріс көзқарасын қалыптастыру, адалдық пен әділдікке тәрбиелеу, азаматтық жауапкершілік сезімін дамыту. Байқауға жергілікті мектеп оқушылары қатысты. Балалар өз суреттерінде жемқорлықты айыптап, әділдік пен бейбіт өмір, таза қоғам идеяларын бейнеледі. Қатысушылардың жұмыстары креативтілігімен, мағыналылығымен және тақырыпты терең түсінгенімен ерекшеленді. Іс-шара жастар арасында құқықтық сананы және жемқорлыққа қарсы көзқарасты қалыптастыруда маңызды қадам болды.