Жақсы аудандық кітапханасының кітапханашысы Жақсы №2 орта мектебінің орта буын оқушылары үшін Қазақстан Республикасының Тәуелсіздік күніне арналған еске алу сағатын өткізді.

Іс-шара «Желтоқсан құрбандары: Тарих тағылымы» деген атаумен өтті.
Кітапханашы 1986 жылғы желтоқсан оқиғалары және оған қатысушылар туралы әңгімелеп берді.

Іс-шара барысында оқушылар желтоқсан оқиғаларының қатысушыларының рухына тағзым етіп, олардың халықтың еркіндік пен тәуелсіздік жолындағы үлесін еске алды. Сондай-ақ оқушылар еліміздің тарихы туралы бейнеролик тамашалады.
Іс-шара соңында Қазақстан мемлекетінің қалыптасу кезеңіндегі негізгі тарихи деректерді ашып көрсеткен кітап көрмесіне шолу жасалды.