Жақсы аудандық кітапханасында Ғазиза Жұмекенованың 70 жылдығына арналған «Сары арқа жұлдызы» атты әдеби-сазды кеш өткізілді. Кітапханашы қатысушыларды Ғазиза Жұмекенованың өмірімен таныстырды және қатысушылардың назарына жерлесіміздің шығармашылығы туралы бейнематериалдарды қарау ұсынылды. Кеш барысында баянның сүйемелдеуімен қатысушылар Ғазиза Жұмекенованың репертуарындағы сүйікті әндерін орындады. 
Музыкалық нөмірлер ешкімді бей-жай қалдырмады, қатысушылар ән айтып, қол шапалақтады. Музыкалық-әдеби кеш соңында Жұмабек аға Ғазиза Жұмекенованы еске алып, аруағы шат болсын деген ниетпен рухына Құран бағыштады.Мақсаты: Ғазиза Жұмекенованың шығармашылығын насихаттау, оның шығармалары арқылы жастардың бойында әсемдікке, музыкаға, шығармашылыққа деген сүйіспеншілік сезімін тәрбиелеу.