Орталық аудандық кітапхананың кітапханашылары Кеңес әскерлерінің Ауғанстаннан шығарылуының 36 жылдығына арналған «Уақыт бізді таңдады» атты кітап көрмесіне шолу жасап, әдеби журфикс өткізді.
Кітапханашы А. К. Қайдаулова қатысушыларға Жақсы ауданының интернационалист - жауынгерлері, соғыс батырлары туралы айтып берді.

Көрмеде өз міндеттерін соңына дейін орындағандардың жауынгерлік өткенін көрсететін құжаттар ұсынылған. Оқырмандар авторлардың шығармаларымен, сол соғыстың куәгерлерімен, сондай - ақ деректі және көркем шығармалармен таныса алады.

Бұл іс - шараның мақсаты - өз Отанына деген сүйіспеншілікті, Отан алдындағы борыш сезімін, ел тарихын, армияны, интернационалист жауынгерлерді құрметтеуге тәрбиелеу, парыз, жауапкершілік, жанқиярлық, патриотизм сезімін тәрбиелеу.