2025 жылғы 20 қараша күні Подгорное ауылдық үлгілі кітапханасы  жасөспірім оқырмандарға арналған «Тыныш зиян: сіз өзгенің түтінін жұтқанда» атты денсаулық сағаты өткізілді. Іс-шара барысында кітапханашы пассивті темекі түтінінің зияны, оның тыныс алу және жүрек-қан тамыр жүйесіне әсері, сондай-ақ темекі түтінін жұтудың балалар мен жасөспірімдер үшін қауіптілігі туралы айтып берді. Шараға медицина қызметкері де қатысып, өз тәжірибесінен алынған нақты мысалдармен бөлісті және темекі түтіні қандай ауруларды тудыруы мүмкін екендігін, сондай-ақ өз денсаулығын қорғаудың маңыздылығын егжей-тегжейлі түсіндірді. Іс-шара жылы, достық атмосферада өтіп, жасөспірімдердің денсаулыққа жауапкершілікпен қарауын және салауатты өмір салтын ұстанудың маңызын түсінуіне ықпал етті.