Киров ауылдық кітапханасында бастауыш сынып оқушыларына арналған «Теңге-мемлекеттің нышаны» атты кітапханалық сабақ өтті. Сабақ Қазақстанның ұлттық валютасының тарихы мен маңызына арналды.

Кітапханашы оқушыларға теңгенің шығу тарихы, оның дизайны, банкноттар мен монеталарда бейнеленген тұлғалар туралы баяндап берді. Сонымен қатар, ұлттық валютаның мемлекеттің тәуелсіздігі мен егемендігінің маңызды белгісі екендігі түсіндірілді.

Шара барысында әр жылдардағы банкноттардың суреттері, қаржыға қатысты әдебиеттер мен танымдық материалдардан құралған шағын көрме ұйымдастырылды. Оқушылар арасында «Теңге туралы не білесің?» атты викторина өткізілді.

Іс-шара оқушылардың білім көкжиегін кеңейтіп, ұлттық нышандарға деген құрметін арттырды.