Наурызнама онкүндігі аясында Запорожье ауылдық модельді кітапханасы мен Запорожье ауылдық мәдениет үйінің бірлесуімен ұлттық ойын – «Тоғызқұмалақ» ұйымдастырылды. Іс-шара – қазақтың дәстүрлі ойындарын кеңінен насихаттау және жас ұрпақтың мәдени мұраға деген қызығушылығын арттыруды көздеді. Қатысушылар ойынның ережелерімен және ерекшеліктерімен танысып, қызығушылықпен белсене қатысты. Ойын достық және жылы атмосферада өтіп, қатысушылардың логикалық ойлау қабілетін, зейінін дамытуға және ұлттық дәстүрлерге деген құрметін арттыруға ықпал етті.