12 қараша күні Калининское ауылдық кітапханасында орта топ оқырмандар үшін «Ұлттық валюта-теңге» тақырыбында ақпараттық сағат және презентация өткізілді. Іс-шара барысында қатысушылар Қазақстанның ұлттық валютасы-теңгенің тарихы, оның маңызы мен елдің экономикалық тәуелсіздігін нығайтудағы рөлі туралы мағлұмат алды.

Презентация кезінде бейнематериалдар көрсетіліп, қатысушыларға теңгенің енгізілу тарихы, алғашқы банкноттар мен монеталардың үлгілері, сондай-ақ қазіргі заманғы ақша айналымының ерекшеліктері туралы қызықты деректер ұсынылды.

Іс-шара соңында оқырмандарға «Теңге-ел тәуелсіздігінің нышаны» атты кітап көрмесі таныстырылып, қатысушылар ұлттық валюта туралы өз ой-пікірлерімен бөлісті.