Қазақстан Республикасының Ұлттық валюта күніне орай Киев ауылдық кітапханасында «Ұлттық теңге-Тәуелсіз елімнің тірегі» атты танымдық-ойын түріндегі іс-шара өтті. Кітапханашы балаларға теңгенің енгізілу тарихы, ел тәуелсіздігінің рәмізі ретіндегі маңызы, банкноталар мен монеталардың дизайны мен қорғаныс элементтері туралы айтып берді. Іс-шара барысында қатысушылар «Ұлттық валюта дүкені» ойынына қатысып, арнайы дайындалған теңгелер арқылы символдық тауарларды «сатып алды». Шара соңында балаларға естелік сыйлықтар тарту етіліп, жалпы фото жасалды. Іс-шара жылы атмосферада өтіп, балалардың қаржылық сауаттылығы мен патриоттық сезімін дамытуға ықпал етті.