Киров ауылдық кітапханасында кең оқырмандар қауымына арналған «Олар осы жерден майданға аттанған!» атты еске алу сағаты өткізілді.

Іс-шара барысында қатысушылар майданға аттанған жерлестерді еске алып, олардың ерлігі, батылдығы және Отан қорғауға қосқан үлесі туралы әңгімеледі. Қатысушылар отбасылық естеліктерімен бөлісіп, батырлардың рухына тағзым етті.

Шара аясында «Біз есте сақтаймыз! Біз мақтан етеміз!» атты фотокөрме ұйымдастырылып, онда соғысқа қатысқан азаматтардың өмірі мен ерлігін баяндайтын архивтік фотосуреттер мен материалдар ұсынылды.