25 қараша күні Киров ауылдық кітапханасында жасөспірімдер тобына арнап «Киберқылмыс: ескертілген – қорғалған» атты киберқауіпсіздік тақырыбында бейнебақылау мен талқылаудан тұратын ақпараттық-профилактикалық іс-шара өтті

        Кітапханашы интернеттегі негізгі қауіп түрлері – фишинг, жеке деректерді бұзу, онлайн-алаяқтық және буллинг туралы айтып берді. Қатысушыларға киберқылмыс түрлері мен олардан қорғану жолдарын көрсететін бейнежазба ұсынылды.

        Көрсетілімнен кейін ашық пікірталас өтіп, қатысушылар өз пікірлерімен бөлісіп, сұрақтар қойып, жеке ақпаратты және аккаунттарды қорғау бойынша пайдалы кеңестер алды.

        Іс-шара қатысушылардың цифрлық ортаға жауапкершілікпен қарауына ықпал етіп, үлкен қызығушылық тудырды.