Кіші оқырмандар тобы үшін Киров ауылдық кітапханасында «Қазақстанның қорықты жерлері» атты танымдық виртуалды саяхат өткізілді.

Көркем бейнепрезентациялар мен кітапханашының әңгімесі арқылы қатысушылар Қазақстандағы әйгілі қорықтар мен ұлттық парктерге «саяхат» жасады. Атап айтқанда: Алтын-Емел, Барсакелмес, Алакөл және Көкшетау. Балалар сирек кездесетін жануарлар мен өсімдіктер, сондай-ақ қорықтардың экологиялық маңыздылығы туралы көптеген мәліметтер алды.

Іс-шара жеңіл әрі қызықты форматта өтіп, балалардың таным көкжиегін кеңейтіп, экологиялық тәрбие беруге ықпал етті.