Аудандық  орталық кітапханасының  оқырмандардың кең ауқымы үшін коворкинг орталығында Қазақстандағы саяси қуғын-сүргін және ашаршылық құрбандарын еске алу күніне арналған «Зұлмат жылдар қасіреті» тарих сағаты өткізілді. Кітапханашылар еліміздің тарихындағы қиын жылдар туралы айтып берді.

  Іс-шара барысында жиналғандар қуғын-сүргін жылдарының құрбандарын бір минут үнсіздікпен еске алды.

  Қатысушылардың назарына «Алжир» деректі фильмін көру ұсынылды.

  Іс-шараға   Жақсы ауданы Ардагерлер кеңесінің төрағасы К.Мугалова, Уәли мешітінің имамы Райымбек мырза, зейнеткер Жахин Қайрат аға,«Үміт» клубының мүшелері, мектеп оқушылары қатысты.

  Мақсаты: жастардың бойында патриоттық сезімдерді қалыптастыру, саяси қуғын-сүргін құрбандарын еске алу және қазақ халқының тарихи өткеніне құрмет көрсету.