26 сәуірде Чапаев ауылдық кітапханасында 1986 жылы 26 сәуірде болған Чернобыль АЭС-індегі апаттың болған күніне орай «Чернобыль - оқиғалар мен тағылым» атты оқырмандар үшін экологиялық сабақ өтті. Іс-шара барысында қатысушыларға апаттың себептері, экологиялық апатты жоюшылардың ерлігі және әлеуметтік апат салдары туралы презентация көрсетілді. Радиациялық қауіпсіздік мәселелеріне және адамзат осы трагедиядан сабақ алуы тиіс мәселелерге ерекше назар аударылды. Оқырмандар үшін Чернобыль апаты туралы ақпараттық көрме ұйымдастырылып, шынайы оқиғалар мен куәгерлерді суреттейтін деректі бейнематериалдар көрсетілді.