2025 жылдың 1 қазан күні Терісаққан ауылдық кітапханасында Қарттар күніне орай "Асыл қазынам – ақылман қарттар" атты әдеби-сазды кеш ұйымдастырылды. Қатысушылар қарттарға арнау өлеңдерін оқып, әндерін шырқап, көркем сөзбен құрметтерін білдірді. Ардагерлер өмір жолдарынан сыр шертіп, жастарға өнегелі ақыл-кеңестерін айтты.

«Қария – халық қазынасы» атты кітап көрмесі ұйымдастырылып, қарттар туралы әдебиеттер мен өмірбаяндар таныстырылды. Іс-шара жылы жүздесу, ізгі тілектер мен ризашылыққа толы әсерлі кешке айналды.