1 наурызда Алғыс айту күніне орай Жақсы аудандық орталық кітапханасының кітапханашылары кең оқырман қауымға арналған «Сиқырлы сандық» атты «Үш алғыс сөзі» әлеуметтік подкастын ұйымдастырды. Іс-шара барысында ауыл және аудан тұрғындары жылы әрі әсерлі кездесуге  белсенді қатысты. Әрбір қалаушы символикалық «сиқырлы сандықтан» карточка алып, ондағы ізгі тілектер мен алғыс сөздерді дауыстап оқыды. Карточкаларда ата-анаға, туған-туысқа, достарға,  қоршаған әлемге арналған алғыс сөздер жазылды. Қатысушылар шынайы ризашылықтарын білдіріп, ата-аналарына қамқорлығы үшін, ұстаздарына білімі мен қолдауы үшін, достарына адалдығы мен түсіністігі үшін алғыс айтты. Іс-шараның атмосферасы жылулыққа, шаттыққа және көтеріңкі көңіл күйге толы болды. Әлеуметтік подкаст бір-бірімізді бағалаудың, жақсылықты көре білудің және алғыс сөздерді аямаудың маңыздылығын еске салды.Өйткені  кейде қарапайым үш-ақ ауыз сөз адамның жүрегіне қуаныш пен шабыт сыйлай алады.