2025 жылдың 29 қазанында Беловод ауылдық кітапханасында орта топ оқырмандарымен «Оқуға ұсынылатын 100 кітап» жобасы аясында әдеби сағат өткізілді.
Іс-шара барысында кітапханашы оқушыларды жобаның мәні мен маңызымен таныстырып, «100 кітап» тізімінен ерекше мәнге ие шығармаларды таныстырды. Әсіресе,Абай Құнанбаевтың «Қара сөздері», Бердібек Соқпақбаевтың «Менің атым –Қожа»,Ілияс Есенберлиннің «Көшпенділер» эпопеясы, Бауыржан Момышұлының «Арпалыс» кітаптарына басымдық берілді. Оқушылар өздері оқыған кітаптар бойынша пікір білдіріп, сүйікті кейіпкерлері туралы әңгімеледі. Іс –шаранын соңында оқырмандарға арналған «Кітап – білім бұлағы» атты кітап көрмесі ұйымдастырылып, кітаптарға шолу жасалды. Іс-шара оқырмандардың кітап оқуға деген ынтасын арттырып, оларды терең ойлауға, рухани байлыққа жетеледі. Қатысушылар белсенділік танытып, ұсынылған кітаптарды оқу үшін жазылып кетті.
