Жақсы аудандық кітапханасының коворкинг орталығында ақын Алмас Темірбайдың 45 жылдық мерейтойына орай «Алаштың Алмас ақыны» атты әдеби - сазды кеш өтті. Іс - шара барысында оқырмандар Алмас Темірбайдың өмірбаянымен және оның «Аллажар», «Жұмақ жұрт», «Автопортрет», «Мың бір мұң», «Жекебаты»", «Самалтау» шығармаларымен танысты. Қатысушылардың назарына оның шығармасынан үзінділер оқылды, оның сөздеріне жазылған әндер тыңдалып, соңында кітап көрмесіне шолу жасалды. Кештің басты мақсаты - оқырмандарды жазушының өмірі мен шығармашылығымен таныстыру, Алмас Темірбайдың шығармаларына деген қызығушылықты қалыптастыру, оны оқуға ықпал ету.