Киев ауылдық кітапханасының кітапханашысы «Ашық кітап» акциясын - күн сайын 10 минут дауыстап оқу шарасын өткізді.

Акцияның мақсаты - балалардың кітап оқуға деген қызығушылығын ояту, дауыстап және тұрақты оқуға әдет қалыптастыру. Бір апта бойы орта буын оқырмандары кітапханашымен бірге күн сайын дауыстап әңгімелер, ертегілер мен өлеңдер оқып, тыңдағандарын талқылап, әсерлерімен бөлісті. Мұндай жұмыс түрі балалардың сөздік қорын, ойлау қабілетін, қиялын дамытуға және оқу мәдениетін нығайтуға ықпал етеді. Акция жылы әрі достық атмосферада өтті.