2026 жылы жалпыұлттық оқу акциясының кітабы ретінде Қазақстанның халық жазушысы Қабдеш Жұмаділовтің «Тағдыр» романы таңдалды. 

Бұл шығарма - қазақ әдебиетіндегі ең маңызды туындылардың бірі болып саналады. 

 3 ақпан күні Жақсы аудандық орталық кітапханасында «Бір ел - бір кітап» республикалық акциясы аясында «Қабдеш Жұмаділов - жыл таңдауы» атты әдеби бенефис өткізілді.

Іс-шара Қабдеш Жұмаділовтің шығармашылығын кеңінен насихаттау, «Тағдыр» романы арқылы жастардың тарихи санасын қалыптастыру және кітап оқуға деген қызығушылығын арттыруға арналды.

Әдеби бенефис барысында қатысушылар жазушының өмірі мен шығармашылық жолына, «Тағдыр» романына шолу жасалды және шығармадан үзінділер оқылды.

Осы акция аясында жазушының шығармашылық мұрасын насихаттау жыл бойы жалғасатын болады.